2006年02月12日
可能係情人節效應作祟，近日我好似做左愛情顧問，一時有人問點表白好，送咩好，一時又有朋友傾訴單身生活苦與樂。個個都好似要趕住係情人節前secure一d野咁，都幾搞笑。
其中有位朋友問我送花表白時，張卡寫咩好。我從未寫過情信，真係唔知wor…咁岩果日有同事本便利有情人節書仔，內載西片對白俾人抄來用，於是我就照打晒俾個friend，點知佢話唔好，又話無創意。早知我就打周星馳果d算喇。本來我諗住幫佢搵首詩，可惜我對中國文學毫無認識，只識有個徐志摩最多情情塔塔作品，於是去search啦，但係都無咩岩用。真係，我是天空裡的一舊雲呀。後來，朋友自己寫了，點知佢自己寫果段仲加無創意，真係…其實表白，我覺得直接用最簡單的方法講就好了，兜一百個圈都唔知你up乜，人地真係會R頭wor…點知你係唔係有病亂up野？香港人時間最值錢，仲邊有人咁得閒同你猜燈迷？得閒都去打下機訓下覺啦…
另外又有另一位單身無拖拍朋友對自己的感覺有所confused，唔自自己想點。呀，真係，好有少女情懷感覺，不過，佢唔係少女，更稱不上係少男。
原來不論你有幾成功，有幾理智，一講到愛情，大男人可以變得束手無策，女強人又會哭哭啼啼。但係，點解我會成為南宮夫人呢？真係怪時年年有，情人節特別多….
(0)