今日約左著名新浪Blogger活在桃花島島主食晏。呢個唔係咩網友聚會，其實我識左島主好耐，係真係識，唔係網友呀…
如果有睇過佢個Blog，你都知佢鐘意食日本野。今日就一齊去左TST壽司廣食。呢間當然係正野，我叫左個銀雪魚餐，一個餐又湯又燉蛋又tempura又魚生又前菜又野飲又沙律….我剛起身其實唔係好食得多野，所以碗飯都係食左好少…而島主，可能係男士食得多d野，一份16件sushi餐(都有前菜呀等等) ，全部落肚。勁!!
呢張，係主菜都未上之前影，但其實仲有好多野食…
之後，去左Starbucks再傾過。
夜晚學完琴，去左則漁涌sushi express食晚餐。又係日本野。呢間都ok架，平日要食好難，實係好多人。假日則漁涌靜到爆，所以先去食。因為太夜了，好肚餓，食左好多碟呀!!
放假好多時都係食日本野，係屋企我會煮冷麵，10分鐘有得食，哈哈。
即係咁，今日去睇魔疫Special Preview。係，呢d飛，係先到先得。我就未見過以下咁鬼得意既安排
1. 門口有實Q，好似機場咁，囉支detector scan你，再搜你個袋，驚死你偷拍
2. 正當你以為佢安排得咁細心，令到你好麻煩之際，入到去院內，咩位都無
3. 問工作人員，話，唔知，要問佢。”佢”係邊個？唔知wor…無介紹。成棚無位既人棟晒係度無人理，真係非常好招呼。
4. 唔需要係聰明人，都知一定無位，但有位工作人員話，前面有一個。大佬，我兩個人呀!
5. 又，見另一對入場朋友問另一工作人員，佢好無禮貌咁答”呢d飛，先到先得架wor”
6. 我頂唔順，又無因招呼，無人安排，就梗係出去啦。遇上另一個工作人員，我話，無位都仲放人？我地入晒去唔知做咩wor。佢好無禮貌咁話：實會補返飛比你wor…
係wor， 先到先得大家都知。你用咁多時間搜人身，做咩唔識數埋人數呢？呢d野唔係諗唔到下話？定係你有搜身癮呀？夠人就截啦無啦啦搜一輪又無位睇，我覺得我個人私隱受侵犯囉!仲有，比贈券好叻呀？我細佬同妹係特登調shift來睇架。就算唔係，我時間唔係錢呀？囉得呢d飛，唔係partner高層就係傳媒朋友，你咁既安排，係唔係職業生涯安穩得滯，想有d火花？定係你公司唔憂做呀？
今日行街，碰見一個人，好熟面口，諗左一陣，哇，電車男呀!不過係電影版果個。個髮型，個樣同個神情都似，係d衫正常少少
(66082.jpg )
放假時，無乜holiday mood，放完喇，就好有holiday mood. 狂做gym的後果，就係好肚餓，仲有係acid全身爆出來，成身都好痛，哈哈。
最勁係，新來的魔鬼教練，係香港先生，佢話佢係七號。我無睇，所以無印像。上網一search, 果然係佢呀：
有香港先生train我，莫非會變成香港小姐？OMG…但係我都係覺得以前個教練好d，可能係因為同佢有多d共同話題。
本人認識好多甩底王，甩底原因大部份都係Time Management有問題(背後可能係重色輕友，或者係自己工作時間預計都唔識，或者連鐘都唔識睇)
我真係好唔明，講多野做，斷估呢d人都唔及我，唔計正職，我仲有好多”課外活動”，”公職”等等。我個schedule排得密一密。我覺得成日甩底果d人真係要檢討下。你唔到就預早講，我可能係要推某d野或者re-aarange過schedule來約你。我都做到，你無理由做唔到。如果係工作忙，一次半次可以原諒，但係你唔係次次都預計唔到下話？你唔得就早響，唔好阻住我個schedule。如果係無聊野阻遲左，就更加唔尊重。
其實點解香港人d time management咁差？Dicipline咁差？約人遲到仲要大聲夾惡cut你線，約左人可以係last minute先話唔到，甚至係你等左半個鐘先話唔來，最離譜可以係聯絡不上。有d last minute話cancel果d，即刻話改期，好啦，我”度”好期，當日又話唔得，”度” 得幾次我都嫌費事，做下其他野好過。喂，尊重下人好wor，唔好因為你個人問題，影響我時間安排。我d時間好寶貴。你得就得，唔得就唔得。我無聊無野做都話無乜所謂，但係我九萬樣野，肯”度”個期俾你已經好俾面。
係睇到果d唔該反省一下。
不穩定的收入，唔知月頭有無錢交乜費物費的日子，其實唔係太好過。之但係我愛自由….感覺好似Sex and the City 的Carrie咁，如果好似佢咁寫下野就夠買衫買鞋都幾好。事實係，我的freelance唔可以當飯食，所以都係快快返工，因為好快連飯都無得食，and我做Freelance都唔係太主動，哈哈。或者我應該搵多d客。但一個人，做得幾多野？hmmm
其實我正在譯緊一本書。不過譯野需時，收數亦需時，freelance就係有呢度唔好，一定唔會係COD。翻譯唔係我本行，其實freelance無所謂，正職肯定悶死。我唔介意多d生意。大家有job請找我。中英文copywriting, 寫野翻譯搞event做publicity做MC錄VO乜都得，保證快靚正。
(0)