電子神童@moBlog

學野喇

星期六/日的lunch通常都係屋企整。一個人食所以越簡單越好。今日就教大家一樣好快整好的lunch

日式冷烏冬

材料

1. 稻庭烏冬(買乾的就可以，亦可用蕎麥麵/拉麵等)
2. 冷麵汁(日本超市/十蚊店都有，預先雪定)
3. 冷麵topping/飯送(日本超市/十蚊店都有)
4. Wasabi (我用粉開，可以融在冷麵汁內，你亦可用膏狀
5. 柚子粉/柚子鹽(日本超市有售)
6. 冰/冰水

做法

1. 將烏冬放在大碗，加入適量熱水，再放入微波爐叮。烏冬一般大火叮7mins，蕎麥麵/拉麵就快d)
2. 確定煮熟之後，隔掉熱水
3. 將麵放在大碗冰上，或用冰水過”冰河”
4. 在另一碗內加入適量冷麵汁, wasabi及柚子粉拌勻，再撈起麵放入碗內，再拌勻
5. 洒上冷麵topping就可以吃

備注

1. 柚子粉令麵感覺更清爽，買唔到可以唔落
2. 怕Wasabi的話，都可以唔落
3. 冷麵汁我用蕎默麵用的醬油/鰹魚汁，你亦可用中華冷麵果隻麻醬汁，但呢隻就唔洗落wasabi同柚子粉

哈，我唔係Martha Stewart但我都會DIY架，雖然我唔識整Wii Cake。不過Wii Cake is not edible所以識整都係徙氣hahah

 
想知點解你就去睇下今期Wired啦

今日行街，有個小朋友亂走，佢阿爸就話，唔好亂走，好”釘ger”呀…

1.讀音錯(通常d人錯，都只係講”丁ger”，”釘ger”我都係第一次聽

2.Grammar錯(點都係好dangerous啦…)

忍唔住都要笑左出來

家陣好多家長，以為學果個學英文咩咩節目咁，平時講一兩句中英夾雜，就可以令小朋友學好英文，高人一等。誰知，自己都讀唔正，又用錯字，小朋友又點學得好呢？都唔好話，會唔會學左香港/菲律賓accent喇…

其實要學，環境係好重要，但環境唔係阿媽阿爸得閒講兩三個唔鹹唔淡的英文單字就係得wor…一係唔講，一係就要講岩，仲要唔好單字講，唔係你想個仔學好英文都好難…

其實呢個都好d，我見過有個媽媽，佢真係成場講英文，可識佢就係成場都唔鹹唔淡，仲要文法用字錯晒，唔識果d字用中文搭夠。你話..個細路點算？

如果自己唔得，又想個仔學，真係最好送去西人教授(唔係一個星期一day果d，係日日，堂堂都要)/有外國同學仔的學校。我保證，一定work。 

在朋友當中，我一直都係最反叛，最奇特的一個。我識得好多人，但真正朋友唔多，好多又移晒民，所以accessible list入面都無乜邊幾個。大學時有位朋友Charles，佢係最最最正經的一個人，正經到人人都怕左佢。不過，我又同佢傾得埋，其實都唔知點解會咁。最近，佢幫佢中學出紀念書冊，同埋佢自記的書，都有同我傾過宣傳方面既野。講真，我無咩幫手，只係當朋友傾計，講講我既諗法。點知兩次佢都有係書中多謝我，其實相比其他人，我真係受之有愧。

無錯，曾經在學校有傳過我地緋聞，但我鄭重澄清，當時我有拍拖，不過唔係佢，哈哈。你知啦，佢成為名人之後，我怕有狗仔隊追住我問野呀=p。

佢本新書，叫<<非典型尖子>>，官方寫既內容簡介如下：

本書作者周致聰律師並非曠世英才，亦沒有顯赫家世，但憑著得天獨厚的家庭、學校和社會教育，以及一份追求卓越的執著，他得以脫穎而出，成為眾人眼中的精英尖子。作者以真摯的筆觸，將自己在求學時期的點點滴滴與省思感悟，毫無保留地和年青朋友分享，希望鼓勵和啟發讀者認清人生的目標和方向，積極迎接未來，編織豐盛人生。本書是有心栽培子女的家長、希望自己成才的學生必讀好書。

我收到Charles寄來的書，第一時間睇晒。入面有好多讀書時的事，雖然佢無咩係書到寫秘聞(因為本書主要係講點樣為人生作打算)，俾我話佢唔夠八卦(呢d八掛只係我同我d同學想睇，其他人睇左都唔明)，但係讀到一d位，自然令我諗起好多往事。可能其他人睇覺得係一本好資訊性，智慧型的書，但因為我同佢經歷過書中某些情節，我反而一路睇一路會心微笑。

Charles係少數我大個左先識既好朋友之一。佢幫過我好多，雖然我個人比較飄忽唔定性，唔似佢咁有planning，但係佢都唔介意同我傾計，你知啦，好多人都會係，同你都唔岩嘴型，講多徙氣。如果大家都想好似佢咁成功，唔好學似我咁dull 茂，就一定要睇睇呢本書喇，難得佢肯同人分享成功經驗呀。