電子神童@moBlog

上星期，朋友JM問我星期一得唔得閒呀？原來佢簽左胡蓓蔚，搞左個新碟Launch party+生日party。Oh，好耐無update JM近況，原來果日係勁歌聽到胡蓓蔚新歌Don't think just do (係一聽就記得點唱，好catchy的)，係佢公司出既。

胡蓓蔚係唱得之人，係人都知。之前出道時口碑都好好。但唔知係唔係當時興王菲，而佢當時唱片公司想佢走同樣style?我覺得就此徙左。而事實上，胡蓓蔚可走更前衛，或者應該叫係更R&B同美式style。好耐無出碟，只係猛做音樂節目主持，但唔知點解，永遠無人唔記得佢係唱得好既歌手。相比好多歌手出身，轉做主持或演戲既藝人，胡蓓蔚既歌藝係深入民心。

今晚party好多人，側田，張敬軒，鄧健泓，就連陳法拉都出埋…做音樂節目主持，真係唔同d，仲要係無線音樂節目wor。咁當然，胡蓓蔚亦係值得人支持既歌手。我真心希望，係JM旗下，真係可以做到佢應做亦想做的音落。始終，有能力做出自己風格既歌手絕無僅有，但胡蓓蔚一定可以做到，當然我對JM有信心。當年如果佢公司有發掘呢點，可能佢成就不止於此。我不斷咁講，係因為唔明，當年明明係人都覺得佢唱得好，但偏偏好似係都要佢做第二個王菲咁…copy cat除左一個黎瑞恩係成功(但其實之後都有返少少自己風格)，其他全部都唔係好得…你up得出Twins, 容祖兒，cookies，eason….好多”product”都好想學，但有邊個得？

 
其實我今日無帶相機，明知fringe club勁黑都影唔到。同行christie影左好多都係唔多清，哈，但都照放上來

仲有，最近翻新，同JM合作的歌。呢個係求其demo一個，但將會推出(但非歌星用)

Let It Go 

曲/編：Jean Michel 詞：Vivien

仲有舊歌重溫

一晚情人 

曲：Jackie 詞：Vivien 編：Jean Michel

Jenny是妹妹的小學同學，不久前發現患上血癌，試過不同的方法，最後在早一兩個星期離開了這個世界。

說實的，我對她的印像還是一個無憂無慮，天真活潑的小妹妹。我跟妹妹讀同一小學，同一中學，也不記得她五年級或是六年級的時候，小學母校校長找我暑假回校教師弟妹英文。對於一個中學生來說，當然立即答應，還找來同屆的同學J一同回校。其中一位跟我一樣，妹妹也是當期的暑期班學生。這一年的暑假，印像深刻。一來自己及好朋友的妹妹成為自己學生，感覺好得意，另外就是對妹妹的同學仔加深了解，更認識了可能是歷屆最叻及最團結的師弟妹。當年朋友J暑假後就要到外國升學，當然又是令整個暑期班充滿passion的原因之一。

說了那麼多，Jenny當然亦是班中的學生之日。印像中，我教J的妹妹那班，J就教我妹妹的那班。但其實小息或集體活動時所有人都會走在一起的。小朋友門知道Miss是某同學的姐姐，當然會非常好奇。妹妹說同學的名字我聽得多，但真正相處，都是第一次。我想不是每位大家姐都有機會一次過認識弟妹全部朋友的吧？說實的當年的Jenny我只記得名，因為中文名字特別。樣貌我只記得是細細粒，成日笑的乖學生。

後來妹妹也讀中學了。她還可以跟小學同學們保持密切聯絡，經常聚會。到大家都大學畢業了，有些繼續升學，有些開始人人都羨慕的好前途，Standford博士生啦，律師啦空姐啦咩都有。Jenny就是在某大會計師樓工作，聽說非常被老闆器重，前途無可限量。但某日，因為長期發燒及腳腫，才比發現得了血癌。當時我聽到也覺得好震驚。她才二十出頭，剛出來做事啊!就如男同事C所說，不知怎的，這些病總發生在生活健康，前途光明，心地善良的好人身上。

雖然如此，Jenny還是積極樂觀的面對。我跟她不熟，沒有探過她，但妹妹說，所有人都喊晒，她還笑笑口的叫他們不要擔心。我看過她的blog，永遠都是快快樂樂的。化療時拍的光頭相，她也不介意貼出來做profile相，可想而知她有多樂觀，比任何人都能接受和對抗病魔。

可惜，血癌真的很恐怖，雖說心情好癌病也比較易治好，但最後她都是要離開了。她走了，同學們當然很傷心，我看見妹妹哭，心裡也很難受。不過，當我知道她的離去，原來也展現出人的美好一面時，我相信大家，以及Jenny都應該會感到有點恩慰。

為甚麼我這樣說呢？她的樂觀和勇敢當然是值得我們學習。但我所感受的，是她們那一屆同學的友誼和團結。當年的班主任是初出茅廬的老師，跟學生們感情很要好，也很用心的教導他們。 畢業後還時常見面，像是一直的”跟進”各人的成長。他住在妹妹工作的社區中心附近，有空就會帶仔仔探望我的妹妹。Jenny的事，他也勞心勞力。他是聯系網絡的中央，有事發生就會將消息發佈給同學們，永遠都是班主任的角色。當年的班長仍然都有著領導的本色，雖然很傷心，但也堅強站出來帶領眾人，一同商討如何向好朋友Jenny表達最後的心意。

明日就是Jenny的喪禮，同學們及某些老師相約出席，更早早訂位一同吃飯懷緬一番。作為”小老師”，明天當然要去送最後一程，以及見證這一屆師弟妹的團結力量。希望大家在傷心的同時，也感受到友情的可貴。

原文 — moShow — 2007-07-24 21:12:43

各位，moShow兩歲喇!今年生日會，隨左有野食有禮物之外，仲有K唱架!

今次地方可容納多d人，但因為場地方面要guarantee最少有20人，所以，如果人數等如或多過20人，每人只要付約$60。如果少過，都要俾20個人既費用。歡迎各界朋友來玩。大家踴躍參加啦!

moShow兩歲生日會詳情 

日期：2007年8月11日(星期六)
時間：2:30pm - 6:00pm
地點：香港灣仔摩利臣山道 9 號天樂廣場 36 樓Herpa Cafe Function Room
費用：約HK$60

當日節目：
暫定有食/抽獎/唱K。場地仲有projector，你想做個powerpoint presentation都得…

請在此留言報名啦!

特別鳴謝Michael Azim提供場地idea，小金星一家為宣傳聲帶作聲音演出，以及Desmusic的Desmond製作音樂。

 

今日約左著名新浪Blogger活在桃花島島主食晏。呢個唔係咩網友聚會，其實我識左島主好耐，係真係識，唔係網友呀…

如果有睇過佢個Blog，你都知佢鐘意食日本野。今日就一齊去左TST壽司廣食。呢間當然係正野，我叫左個銀雪魚餐，一個餐又湯又燉蛋又tempura又魚生又前菜又野飲又沙律….我剛起身其實唔係好食得多野，所以碗飯都係食左好少…而島主，可能係男士食得多d野，一份16件sushi餐(都有前菜呀等等) ，全部落肚。勁!!

 
呢張，係主菜都未上之前影，但其實仲有好多野食…

之後，去左Starbucks再傾過。

夜晚學完琴，去左則漁涌sushi express食晚餐。又係日本野。呢間都ok架，平日要食好難，實係好多人。假日則漁涌靜到爆，所以先去食。因為太夜了，好肚餓，食左好多碟呀!!

放假好多時都係食日本野，係屋企我會煮冷麵，10分鐘有得食，哈哈。

生左日成個月，今日收到Jackie寄來的生日禮物。

哈，呢個似乎係我地既傳統。自從佢移左民後，我地互送既生日禮物，聖誕禮物都係遲。佢呢，一係叫Daddy帶返來，近年因為離開屋企去第二度做野，多數都係自己寄，無論係點，點都會遲最少一個月。點解呢？因為太忙了。

而我送果d呢，都係遲。一係佢般左我唔知照寄舊地址，一係就我寫錯街號，再唔係就唔得閒去寄。我有時都會上網買，但係都係最last minute，所以都係會遲。

另外有個經典的，就係Hoyin。我地間歇性會互寄卡，但唔係年年寄。但寄親都係遲。例如去年X'mas佢張卡係今年過左成個禮拜先收到。我當然要回啦，咁我就寄農曆新年卡，但好似寄到果時都過晒年初七。話時話，都無人會寄卡，連email card都少，最多都係果d promotion DM。所以我都唔明點解我地兩個咁Tech Savvy既人都會無啦啦走去寄卡，仲要係遲到。

Lacome eyeshadow pallete+eye base+card

個盒好靚，有個cupid架，仲好重手，所以都唔會囉出街。其實香港
都有得賣架係限量版。

其實人大左，對於節興都無乜感覺。對於不在同一地方的朋友，更加可能係因為無得一齊慶祝，所以都無咩話一定要準時送到。有人記得對方已經好開心。可能大家都係無咩所謂，亦知對方都係無咩所謂既人，所以遲都照寄，好過無，哈哈。而且可能仲有驚喜!

話時話小金星老豆都有送生日禮物比我，雖然都係遲，但我都係遲左送比小金星。

勁活躍的小金星開生日會。

個蛋糕我揀架，原來有金箔架，咁高貴？

咩相呢？

就係呢張大合照囉

係wor，原來全世界，都唔care送禮準時。好彩個個約出來都唔係遲大到既人。點都好啦，其實生日都已經係無咩人知，連自己都無宣揚，都無諗過要勁慶祝。有人默默地記得，反而仲開心。

多謝各位!!!(雖然都係遲左多謝，哈哈!!)

原文 — moShow — 2007-01-11 18:29:01

日期：2007年1月7日(星期日)
時間：7:30pm
地點：旺角雅蘭商場Starbucks 

節目包括：

1. 食野
2. 大抽獎(由小金星監票及負責抽獎)
3. 小金星Talk Show

出席人士包括Vivien, LoMedia, 小金星, 小金星Daddy, 小金星Mommy, Michael Azim, Daisy Azim, 車車, 阿晨, 蘇菲, Calvin, Desmond

原文 — moShow — 2006-12-18 14:12:10

大家好，2007年就快到。去年我地搞左個聖誕party, 反應熱烈。今年因為本人要處理好多大小公私事務，所以未能係聖誕搞party，所以我就擇左日子，係2007年搞新年party喇。

日期：2007年1月7日(星期日)
時間：7:30pm
地點：旺角雅蘭商場Starbucks(無錯，即係上次moShow一歲生日party果度)

節目包括：

1. 食野
2. 大抽獎(一如以往，通常都係人人有份)
3. 小金星表演叫KeKe, TiTi, 姐姐, 姨姨 etc

同上次一樣，野食我地會因應人數預備，大家夾返個數。野飲就自己pay喇。

有興趣請到moShow blog留comment報名，多謝!