電子神童@moBlog

祝大家新年快樂，萬事勝意!

我掂過，Kiss過歐洲國家盃，佢地都無呀hahahha

真野黎架，無花無假

CASH Annual Dinner 係我一年一度必去既。其實一直以來，因為好多工作同嗜好，所以應酬都係免得過就免。但係CASH係必去，因為越來越多好野睇。還記得當年係會場toilet門口個走廊講電話，見到張國榮，佢仲同我打招呼(雖然其實唔識我，不過可能佢覺得，去得CASH都係行家啦)，第二年CASH佢已不在人世。

因為CASH既關係，其實成個樂壇都會好俾面。好多歌星名人都會出席，尋晚都唔例外。今年金帆音樂獎由譚校獎奪得，咁，當然有係星光熠熠。溫拿，曾智偉，阿叻就必到啦。仲有李克勤，阿Lam，陳慧嫻，關淑儀等唱Alan的舊歌。呢個年頭，就連TVB都無乜可能有個節目係同台咁多巨星…

 不過最高興，就係今年幾野食係咁多年最好既

頭盤係三文魚波波，仲有個湯不過無影

主菜係teriyaki魚/雞卷。我梗係要魚啦

甜品係開心果雪糕+brownie。朱古力我唔岩，所以只係食左雪糕

講返校長果part，佢地當係concert咁做，所以派左好多螢光棒。又，因為同台的前經理人公司朋友們都係比較成熟穩重，所以無咩人特別囉來玩，所以我就得到一大bunch!

而全場最好睇幾一段，就係阿Lam唱愛情陷阱+暴風女神。係唱慢版啊，仲要係頹廢style，非常特別但又好有feel。想聽。哈，我有錄哈哈。仲有其他，不過呢，你地去我個youtube channel度慢慢睇啦!

上星期，朋友JM問我星期一得唔得閒呀？原來佢簽左胡蓓蔚，搞左個新碟Launch party+生日party。Oh，好耐無update JM近況，原來果日係勁歌聽到胡蓓蔚新歌Don't think just do (係一聽就記得點唱，好catchy的)，係佢公司出既。

胡蓓蔚係唱得之人，係人都知。之前出道時口碑都好好。但唔知係唔係當時興王菲，而佢當時唱片公司想佢走同樣style?我覺得就此徙左。而事實上，胡蓓蔚可走更前衛，或者應該叫係更R&B同美式style。好耐無出碟，只係猛做音樂節目主持，但唔知點解，永遠無人唔記得佢係唱得好既歌手。相比好多歌手出身，轉做主持或演戲既藝人，胡蓓蔚既歌藝係深入民心。

今晚party好多人，側田，張敬軒，鄧健泓，就連陳法拉都出埋…做音樂節目主持，真係唔同d，仲要係無線音樂節目wor。咁當然，胡蓓蔚亦係值得人支持既歌手。我真心希望，係JM旗下，真係可以做到佢應做亦想做的音落。始終，有能力做出自己風格既歌手絕無僅有，但胡蓓蔚一定可以做到，當然我對JM有信心。當年如果佢公司有發掘呢點，可能佢成就不止於此。我不斷咁講，係因為唔明，當年明明係人都覺得佢唱得好，但偏偏好似係都要佢做第二個王菲咁…copy cat除左一個黎瑞恩係成功(但其實之後都有返少少自己風格)，其他全部都唔係好得…你up得出Twins, 容祖兒，cookies，eason….好多”product”都好想學，但有邊個得？

 
其實我今日無帶相機，明知fringe club勁黑都影唔到。同行christie影左好多都係唔多清，哈，但都照放上來

仲有，最近翻新，同JM合作的歌。呢個係求其demo一個，但將會推出(但非歌星用)

Let It Go 

曲/編：Jean Michel 詞：Vivien

仲有舊歌重溫

一晚情人 

曲：Jackie 詞：Vivien 編：Jean Michel

就係呢張。佢真係好有禮貌。

其實果日好晒…你睇佢對眼…

未開工前試機….

臨時拉夫做大飲茶…

Jenny是妹妹的小學同學，不久前發現患上血癌，試過不同的方法，最後在早一兩個星期離開了這個世界。

說實的，我對她的印像還是一個無憂無慮，天真活潑的小妹妹。我跟妹妹讀同一小學，同一中學，也不記得她五年級或是六年級的時候，小學母校校長找我暑假回校教師弟妹英文。對於一個中學生來說，當然立即答應，還找來同屆的同學J一同回校。其中一位跟我一樣，妹妹也是當期的暑期班學生。這一年的暑假，印像深刻。一來自己及好朋友的妹妹成為自己學生，感覺好得意，另外就是對妹妹的同學仔加深了解，更認識了可能是歷屆最叻及最團結的師弟妹。當年朋友J暑假後就要到外國升學，當然又是令整個暑期班充滿passion的原因之一。

說了那麼多，Jenny當然亦是班中的學生之日。印像中，我教J的妹妹那班，J就教我妹妹的那班。但其實小息或集體活動時所有人都會走在一起的。小朋友門知道Miss是某同學的姐姐，當然會非常好奇。妹妹說同學的名字我聽得多，但真正相處，都是第一次。我想不是每位大家姐都有機會一次過認識弟妹全部朋友的吧？說實的當年的Jenny我只記得名，因為中文名字特別。樣貌我只記得是細細粒，成日笑的乖學生。

後來妹妹也讀中學了。她還可以跟小學同學們保持密切聯絡，經常聚會。到大家都大學畢業了，有些繼續升學，有些開始人人都羨慕的好前途，Standford博士生啦，律師啦空姐啦咩都有。Jenny就是在某大會計師樓工作，聽說非常被老闆器重，前途無可限量。但某日，因為長期發燒及腳腫，才比發現得了血癌。當時我聽到也覺得好震驚。她才二十出頭，剛出來做事啊!就如男同事C所說，不知怎的，這些病總發生在生活健康，前途光明，心地善良的好人身上。

雖然如此，Jenny還是積極樂觀的面對。我跟她不熟，沒有探過她，但妹妹說，所有人都喊晒，她還笑笑口的叫他們不要擔心。我看過她的blog，永遠都是快快樂樂的。化療時拍的光頭相，她也不介意貼出來做profile相，可想而知她有多樂觀，比任何人都能接受和對抗病魔。

可惜，血癌真的很恐怖，雖說心情好癌病也比較易治好，但最後她都是要離開了。她走了，同學們當然很傷心，我看見妹妹哭，心裡也很難受。不過，當我知道她的離去，原來也展現出人的美好一面時，我相信大家，以及Jenny都應該會感到有點恩慰。

為甚麼我這樣說呢？她的樂觀和勇敢當然是值得我們學習。但我所感受的，是她們那一屆同學的友誼和團結。當年的班主任是初出茅廬的老師，跟學生們感情很要好，也很用心的教導他們。 畢業後還時常見面，像是一直的”跟進”各人的成長。他住在妹妹工作的社區中心附近，有空就會帶仔仔探望我的妹妹。Jenny的事，他也勞心勞力。他是聯系網絡的中央，有事發生就會將消息發佈給同學們，永遠都是班主任的角色。當年的班長仍然都有著領導的本色，雖然很傷心，但也堅強站出來帶領眾人，一同商討如何向好朋友Jenny表達最後的心意。

明日就是Jenny的喪禮，同學們及某些老師相約出席，更早早訂位一同吃飯懷緬一番。作為”小老師”，明天當然要去送最後一程，以及見證這一屆師弟妹的團結力量。希望大家在傷心的同時，也感受到友情的可貴。