2007年11月13日
就係呢張。佢真係好有禮貌。
其實果日好晒…你睇佢對眼…
未開工前試機….
臨時拉夫做大飲茶…
(0)2007年08月16日
從來對Britney Spears無咩特別偏好，一向對pop idol無咩特別感覺。學生時代好多人都會鍾意某些歌星，但自己又唔係”鍾意某些歌星”果隻，只會聽歌。好聽就聽。
某日去某超市，見到本外國八卦雜誌封面話Britney湊仔用汽水當水咁比佢地飲，仲有亂糟糟的感情生活，癲癲地，又有吸毒等。
好多super star，最終都會落於癲狂，或者墮落的地步。可能太後生就呼風喚雨，一有些少挫節就受不了。又或者係生活壓力大，個人情緒就失控。當然做藝人，好多都有藝術家脾氣，EQ可能本來都唔係咁好….香港的，我諗起藍潔英蔡楓樺。亦一度覺得張柏芝都有呢個potential…(佢暫時安全，因為已得到佢想要的霆鋒同BB)
有呢d問題，傳媒當然happy，有野寫wor…但對當事人來講，就會做成更大傷害，於是就越來越癲。我地未必了解佢地所承受既壓力，但無論如何，我覺得要對自己行為負責外，亦要對身邊既人負責，但又唔應該太執著於某d野，睇開d就唔會癲喇。
今日有同事突然話”死喇死喇”。原來有某件事本來預左會有，但中間係其他parties方面出左問題，我地可能得唔到本來expect有既野。佢話佢好擔心。我話，擔心無用，有問題係要去解決唔係去擔心。 後來發現原來事情有轉機，所以佢就放心晒。有人可能覺得，唉，點解你咁淡定呀？我個樣淡定唔等如我無緊張過，只係樣樣show出來，會影響其他人情緒啊。對於我來講，緊張就做唔到野。個個騰晒雞咁，見到就煩啦。一陣間做到癲左就慘…
聽下，我覺得Britney唯一好聽既歌：
呢個係我唔係Britney
2007年08月07日
今日都係頂唔住，sick leave一日。
其實，好多人都唔鍾意sick leave，怕做唔切野，甚或係怕被認為唔勤力。但其實，唔舒服時做野，不但效率低，而且更易出錯。如果長期都係咁，病又唔休息，就長期都會影響工作。另外，係公共衛生層面上，如你個病會傳染，但又繼續返工，就更加會影響其他人，咁，你公司就真係多得你唔少，病晒點做生意？所以，長痛不如短痛，好好搞掂身子先返工先係最負責任既做法。
當然，作為負責任的人，就盡量要交代好工作。一個email/sms/電話就可以了。放一日，公司絕對唔會執，但係你唔交代，就可能會影響公司運作，或者其他同事既工作。
訓左成日好好多lu。
2007年06月28日
今日係office窗外見到有舊雲飄過，近距離。如果個窗開得，可以摸到，哈。不過相就難影得清楚。
2007年05月10日
五蚊雞，不過唔係好香…失望，無花樽用左檯底唔知屬於邊個既Snoopy Mug…哈哈
好一躲茉莉花~~丫呀~~
2006年10月13日
今日大家放工搭地鐵，可能已經囉左Metro Pop，有我同林子揚啊，不過我都無搭地鐵，所以都唔知係咩樣。Metro Pop留左書俾我，到時我再貼貼貼。
近來太多野做，個人好累，下星期可以放兩日假，回一回氣，同埋希望有其他新機會。忙，都要忙得有價值。
2006年08月30日
向來對是非都係超唔敏感，讀書到做野都係，有咩野是非八卦都係後知後覺，就算係針對我既，可能都係離開左果個地方後先知，原因可能係我只係做野，對事唔對人，自己亦唔八呢d野，所以d人都唔會係我面前講八卦。
今日先知，公司原來有d是非。雖然可能同我無直接關係，但係對成個生態有影響。其實有人一向都係嘈嘈閉講野又有三姑六婆feel，即係不見其人先聞其聲無野講搵野來講好煩果隻。因為自己好怕d好嘈既人，所以都唔係同佢好熟。但原來佢除左嘈，仲好講是非，搞到我地條team分化。不過牛唔飲水唔噤得牛頭低，被唆擺的妹妹都係入世未深，先會咁易受人影響。
其實做野就做野，都唔名d人做咩咁得閒講是非。而呢個人既”經驗值”仲只係響”講是非”呢個level，連辦公室政治都未識。唉，呢個世界咁多野好做，點解唔慳番啖氣，用呢d時間做多d利己利人既事呢？眼光可唔可以闊少少呢？
另一方面，受害人亦無需唔開心，做人但求問心無愧。一係，就玩大佢。就算唔玩，佢都會自然死，因為浪費時間去做無聊野的人，生產力會有幾大？自己唔做好自己本份，始終咪就係自己受返？呢個世界，一係靠食腦，一係靠勤力。佢兩樣都無得把口嘈嘈嘈，怕佢咩呢？P.S.佢仲要係最無權力的人，ie職位低微(oh…咁既年紀，同一行做左咁耐都係呢個level，都明點解啦…)
| 1 | 2