電子神童@moBlog

仲係soft launch的沛公甜品，實在係正!其實未真係launch前我都食過好多，點解呢？因為係我表妹同佢男朋友得意之作。

甜品係我最愛，所以要求都好高。Soft launch wor，梗係要找我去試食。今晚食左紅豆沙，我覺得係全晚驚喜。其實紅豆沙好似好普通，但要整得好食唔係咁易。唔好以為去酒樓食完飯有紅豆沙送就係表示紅豆沙好cheap，唔係太好食係一定架囉。今晚的紅豆沙係足料，少甜同埋有果皮香，好有屋企煲既味，好耐無食過喇。

另外亦試左芒果千層(其實以前食過好多次但係今個version最正)。呢個係最受歡迎產品之一，個千層既pancake皮好薄，一塊快咁煎好，攤凍再續層cream+芒果舖上去。我數過，有13層皮架，淨係做果擔心機同工夫都值回票價。 另一個最多人買既係心花怒放。因為太搶手，只係影左相，食唔到。佢其實係pancake包芒果布甸，要整真係唔易。上面既芒果花好靚呀!

我仲食左個椰汁布甸，好有椰味，不過都係上面果幾樣最正。

唔好以為佢地只得甜品，其實舖頭係區內好受歡迎，好多打躉fans既一間小小街坊食店，叫喜樂福，原本係買飯麵炒野呀，咖啡奶茶同新鮮麵包咁，最近就開埋宵夜做甜品小食，仲係試驗階段。佢果度既炒野同小菜都係出名好食。今晚我又試左個蜜汁焗雞翼。本來好飽但咁香忍唔住又食左一隻，非常非常非常好好好好好味!!!!仲有個甜酸醬既炸魚小食，都係一流!

地址： 喜樂福  荃灣荃德花園地下14號舖

如果你地去食，話係Vivien介紹話唔定會加料加送，哈哈!! 

有相睇 

餐牌 

我最想食既紅豆沙河粉同白裡透紅售罄，好失望呀….

芒果千層班戟

心花怒放

芒果布甸係我地屋企人最愛

今日下晝的lunch，做法可參考呢度

原文 — moShow — 2007-08-03 01:29:41

Capital weekly 本Capital Money都有講moShow生日會，你仲唔快d報名？8月11號就係喇

同大市有咩關係呢？可能係來參加有options分呀…

出左喇有買趁手下期無左猛人可能無咁好睇

 

今晚去左Freshness Burger食

勸籲大家唔好試teriyaki果d，好鹹，個南瓜包又甜甜地，加埋就係怪。日式的，都係Mos Burger好

 至尊雙層牛肉芝士就好好多，牛大塊d，好香，個包好銀禧小食店style。oh原來係嘉頓包煎脆!

有樣叫Menchi的，其實係吉列肉餅，收銀話內有豬加牛肉，包同沙律都有Menchi揀的。我食就覺得d肉係日式餃子入面果d，其實都好食

Potato Wedges好味，但太飽肚。食唔晒囉左返屋企，變得唔好食

我最愛食既洋荵圈，就麻麻。都係Burger King最好味。呢度太粉 

另一樣我最愛的粟米湯，味度同Mos Burger差唔多，但好似多左d粟米粒。Mos好似無，唔係好記得 

星期六/日的lunch通常都係屋企整。一個人食所以越簡單越好。今日就教大家一樣好快整好的lunch

日式冷烏冬

材料

1. 稻庭烏冬(買乾的就可以，亦可用蕎麥麵/拉麵等)
2. 冷麵汁(日本超市/十蚊店都有，預先雪定)
3. 冷麵topping/飯送(日本超市/十蚊店都有)
4. Wasabi (我用粉開，可以融在冷麵汁內，你亦可用膏狀
5. 柚子粉/柚子鹽(日本超市有售)
6. 冰/冰水

做法

1. 將烏冬放在大碗，加入適量熱水，再放入微波爐叮。烏冬一般大火叮7mins，蕎麥麵/拉麵就快d)
2. 確定煮熟之後，隔掉熱水
3. 將麵放在大碗冰上，或用冰水過”冰河”
4. 在另一碗內加入適量冷麵汁, wasabi及柚子粉拌勻，再撈起麵放入碗內，再拌勻
5. 洒上冷麵topping就可以吃

備注

1. 柚子粉令麵感覺更清爽，買唔到可以唔落
2. 怕Wasabi的話，都可以唔落
3. 冷麵汁我用蕎默麵用的醬油/鰹魚汁，你亦可用中華冷麵果隻麻醬汁，但呢隻就唔洗落wasabi同柚子粉

哈，我唔係Martha Stewart但我都會DIY架，雖然我唔識整Wii Cake。不過Wii Cake is not edible所以識整都係徙氣hahah

 
想知點解你就去睇下今期Wired啦

原文 — moShow — 2007-07-24 21:12:43

各位，moShow兩歲喇!今年生日會，隨左有野食有禮物之外，仲有K唱架!

今次地方可容納多d人，但因為場地方面要guarantee最少有20人，所以，如果人數等如或多過20人，每人只要付約$60。如果少過，都要俾20個人既費用。歡迎各界朋友來玩。大家踴躍參加啦!

moShow兩歲生日會詳情 

日期：2007年8月11日(星期六)
時間：2:30pm - 6:00pm
地點：香港灣仔摩利臣山道 9 號天樂廣場 36 樓Herpa Cafe Function Room
費用：約HK$60

當日節目：
暫定有食/抽獎/唱K。場地仲有projector，你想做個powerpoint presentation都得…

請在此留言報名啦!

特別鳴謝Michael Azim提供場地idea，小金星一家為宣傳聲帶作聲音演出，以及Desmusic的Desmond製作音樂。

 

最開心，就係有google tee (但係太細件…太貼身實在係尷尬…同埋男裝個print靚d)，電話繩同筆。哈哈。仲有見到Hoffman一位舊朋友Florence，同埋Cathy走來同我相認係舊公司同事囉。

一如所料都係講iGoogle啦，programming呢d我點識呀，但我同場好多blogger好開心。之但係對我來講，唔好搞咁多野就最好，邊有咁多時間去研究呢…所以I love mocasting哈哈哈 (Kli要請我食飯先得wor…順帶澄清我唔係mocasting同事亦唔係代言人，大家一路都可能誤會了，雖然我真係愛用方便的mocasting…哈哈，抵請喇掛？)

今日原來d位係先安排好，好彩係安排阿黛坐我隔離。本來仲諗住捉住Kli坐隔離，因為好怕唔識一齊坐唔知講乜好(好多人以為我係social人，事實我係扮野同埋表現基本禮貌，其實同唔識既人一齊食飯/傾計我會唔知點好…呵呵)

今日無影相，只係影左個無論樣同味都好似煎堆既包。但我估好多blogger都有影相，大家可以去搜尋下。仲有其實PR姐姐好有心機，做name badge時隨左有名仲有各人既blog既logo，可惜串錯我個名，唔係我就會學sidekick咁囉走個badge入面張紙。