2007年12月07日
我掂過，Kiss過歐洲國家盃，佢地都無呀hahahha
真野黎架，無花無假
(0)2007年11月08日
唔知點解，次次embed youtube，個post係youtube player下面既所有野都會唔見晒。
頭先講超級星光大道。好多人睇完都話，好想去唱K。我無乜K癮，主要係覺得K太嘈雜，音響差，又有d污糟咁。但並唔代表我無歌癮。我作為demo人，當然無楊宗緯呢類表演人的淋漓盡致。不過，確實係，原來有好多好聽既舊歌，只要係唱既人唱得好，時間耐左都唔會覺得老土架。上網都睇過曹格唱，但我始終都係覺得楊宗緯最好。可能，曹格錄音會好d，但現唱演譯，楊宗緯真係無得頂!!
其實我仲有一張同林宥嘉既合照，不過係公司…聽日記得加返先(不過我唔係fans啊，只係工作上遇到。佢好好笑，唱片公司工作人員介紹我比佢識，我話，我係Vivien，佢話，我係林宥嘉。但果日佢係主角，如果我唔知佢係林宥嘉我就有問題了….)
2007年10月01日
極度入腦，因為好多地方都播Paul Potts…不過我只識整意大利粉食意大利粉唔識唱意大利文….
唯有找來咁多個版本最唔好聽的張惠妹國語版Karaoke….唔係張惠妹唱得唔好，只係國語唔多夾feel，亦改左原曲一d音所以有d怪... 無用聲樂聲唱，唔洗驚，哈哈(國語+聲樂聲唱呢首，勁難聽)
仲有Paul Potts版Con Te Partiro，不過當然都係Andrea Bocelli好聽好多
2007年09月03日
仲係soft launch的沛公甜品，實在係正!其實未真係launch前我都食過好多，點解呢？因為係我表妹同佢男朋友得意之作。
甜品係我最愛，所以要求都好高。Soft launch wor，梗係要找我去試食。今晚食左紅豆沙，我覺得係全晚驚喜。其實紅豆沙好似好普通，但要整得好食唔係咁易。唔好以為去酒樓食完飯有紅豆沙送就係表示紅豆沙好cheap，唔係太好食係一定架囉。今晚的紅豆沙係足料，少甜同埋有果皮香，好有屋企煲既味，好耐無食過喇。
另外亦試左芒果千層(其實以前食過好多次但係今個version最正)。呢個係最受歡迎產品之一，個千層既pancake皮好薄，一塊快咁煎好，攤凍再續層cream+芒果舖上去。我數過，有13層皮架，淨係做果擔心機同工夫都值回票價。 另一個最多人買既係心花怒放。因為太搶手，只係影左相，食唔到。佢其實係pancake包芒果布甸，要整真係唔易。上面既芒果花好靚呀!
我仲食左個椰汁布甸，好有椰味，不過都係上面果幾樣最正。
唔好以為佢地只得甜品，其實舖頭係區內好受歡迎，好多打躉fans既一間小小街坊食店，叫喜樂福，原本係買飯麵炒野呀，咖啡奶茶同新鮮麵包咁，最近就開埋宵夜做甜品小食，仲係試驗階段。佢果度既炒野同小菜都係出名好食。今晚我又試左個蜜汁焗雞翼。本來好飽但咁香忍唔住又食左一隻，非常非常非常好好好好好味!!!!仲有個甜酸醬既炸魚小食，都係一流!
地址： 喜樂福 荃灣荃德花園地下14號舖
如果你地去食，話係Vivien介紹話唔定會加料加送，哈哈!!
有相睇
餐牌
我最想食既紅豆沙河粉同白裡透紅售罄，好失望呀….
芒果千層班戟
心花怒放
芒果布甸係我地屋企人最愛
2007年09月02日
星期一開始彈，每日個腦都係呢首歌，非常洗腦。希望有一日唔止齋唱，仲可以一路彈一路唱
2007年08月28日
正在學習+練習自彈自唱Tori Amos既Silent all these years
2007年08月16日
從來對Britney Spears無咩特別偏好，一向對pop idol無咩特別感覺。學生時代好多人都會鍾意某些歌星，但自己又唔係”鍾意某些歌星”果隻，只會聽歌。好聽就聽。
某日去某超市，見到本外國八卦雜誌封面話Britney湊仔用汽水當水咁比佢地飲，仲有亂糟糟的感情生活，癲癲地，又有吸毒等。
好多super star，最終都會落於癲狂，或者墮落的地步。可能太後生就呼風喚雨，一有些少挫節就受不了。又或者係生活壓力大，個人情緒就失控。當然做藝人，好多都有藝術家脾氣，EQ可能本來都唔係咁好….香港的，我諗起藍潔英蔡楓樺。亦一度覺得張柏芝都有呢個potential…(佢暫時安全，因為已得到佢想要的霆鋒同BB)
有呢d問題，傳媒當然happy，有野寫wor…但對當事人來講，就會做成更大傷害，於是就越來越癲。我地未必了解佢地所承受既壓力，但無論如何，我覺得要對自己行為負責外，亦要對身邊既人負責，但又唔應該太執著於某d野，睇開d就唔會癲喇。
今日有同事突然話”死喇死喇”。原來有某件事本來預左會有，但中間係其他parties方面出左問題，我地可能得唔到本來expect有既野。佢話佢好擔心。我話，擔心無用，有問題係要去解決唔係去擔心。 後來發現原來事情有轉機，所以佢就放心晒。有人可能覺得，唉，點解你咁淡定呀？我個樣淡定唔等如我無緊張過，只係樣樣show出來，會影響其他人情緒啊。對於我來講，緊張就做唔到野。個個騰晒雞咁，見到就煩啦。一陣間做到癲左就慘…
聽下，我覺得Britney唯一好聽既歌：
呢個係我唔係Britney