2008年02月10日
V-day : Vivien's Day hehehhe 情人節快樂呀!!!
(0)2007年08月02日
學野喇
2007年06月13日
曾經好鐘意呢首歌，只係覺得唱得麻麻。最近有個方力申版，開頭聽，覺得同伊麵唱得差唔多(事實上同碟好多歌都係，雖然用jazz包裝，但唱法同把聲都似原唱，有d又好似唔多用心唱咁，好唱 k feel)。但當我巢返個原裝出來聽，又發覺方力申原來好好多，起碼唔會用不斷呼氣黎演譯感情…
原來呢，仲有張崇基崇德版，但和音太大，又可能係現場，走左少少音，所以，又真係好似方力申係最好。但最好又係唔係好呢？呢首歌，真係好好聽啊，係呢首歌…但要我諗搵邊個唱先可以唱得好，表達到呢？(諗左好多年都無答案)，我又諗唔到…我地係唔係無呢隻style幾歌星呢？會唔會係後生時既黃凱芹呢？但又好似差少少…講形像，可能係接近鄭嘉穎…
方力申版
2007年05月27日
Search左好耐，終於查到係咩
尋晚睇TVB劇集台 既華麗一族，有個廣告話經典台做一套叫”漂白英雄”既劇。我完全無印像，只見畫面有李美鳳同林嘉華(之前係加拿大睇電視，林嘉華做類似Discovery Real Time果d教人裝修屋企節目，歲月催人)。後面既背景音樂反而係好熟，係一首英文歌，細個時幾hit但我完全唔知係咩歌同邊個唱。
於 是我上網，查果句歌詞，但太多Falling, Fallen，都唔知邊首係。本來諗住用”漂白英雄”來search應該都無咩results，點知原來都有好多。原來套戲主題曲係李美鳳唱，就係呢首英 文歌既廣東版，叫”全部愛全為你”。仲有d地方有個片頭曲video，”好”聽到呢…咁我又明，點解個廣告用英文版唔用廣東版。
但 英文版係咩歌呢，就係search results個海度，其中有個介紹話，首歌改編自Lauren Wood 既Fallen，呢首係Pretty Woman Sound Trak入面一首hit歌。但其實我都無睇過Pretty Woman，當年可能係因為好hit所以通街播，所以我成日聽到啦。似乎Lauren一曲成名，但亦變左一曲走天崖。到依家佢都係獨立唱作人。所以做星， 真係好難講。有人捧都有機會跑出，無的話，你幾talented都無用。
講番首歌，其實你會expect係好sweet聲既女仔唱果種。但lauren把聲係沙啞果類，唱出來，又有另一種味度。可能又設合Pretty Women果種，有少少唔Refine的女子的味度？ 但真係好聽好舒服好sweet啦
2007年03月16日
講真，係就係唱得好，但對我來講唔吸引，可能係太勁歌金曲既關係，差在無左Amigo。如果要錢，當然唔會買飛。而事實上，對於concert，我個人係比較孤寒…台下就見有明哥，林一峰同郭啟華等等
成晚最大得著係林二汶講過既一句。佢話，寫起某首歌時，異常開心。因為首歌係講鍾意左一個人既興奮。即係”嘩!我鍾意左佢呀!”而唔係”唉，賴野啦我鍾意左佢呀…”我覺得，佢可能仲細，其實，可elaborate更多。一生人，可能會鍾意好多人，好多次。但有好多，一開始甚或未開始都知道係賴野。就算一開始係嘩果隻，亦好可能會變成賴野。一世人最多只會有一次係嘩嘩嘩嘩到尾。(assuming一開始賴野，唔會turn out 變成嘩，因為如果係嘩，都唔會賴野啦)不過，我地好少會了解，原來要cost effective，一發現係賴野就要嶄倉，越賴野就越尋迷(開始好股票，lomedia上身)，點知到不能自拔時，就仲要輸突本來可以用來尋找嘩的時間.
2007年02月15日
哈，唔好誤會，呢個係歌名。每年情人節我都會諗起呢首歌，係作曲人作好，跟住話：我預左呢幾粒音填”傷感的情人節”，你幫我寫啦。好!當時一個無知學生妹，無咩傷感地寫左呢首歌既歌詞，當時係幻想住類似MTV的情景而寫，心想：傷感的情人節MTV會點拍？咁就變左文字。呢個最update錄音版本我記得應該係某年Easter去美國時，去作曲人度借宿時錄既。我都有去過美國同加拿大錄音架，雖則係demo, 哈!
家陣聽番，好似唱得唔係好傷感。hmmm
傷感的情人節
曲，編：Hoyin Chan
詞: Vivien
2007年02月15日
情人節，總係好多心形野。靚就靚，但係，好多時我都希望佢地唔係心形。
點解呢？好似尋晚去慶祝，已經一如以往咁避去西餐廳以免多人或只得一個menu，點知去食上海野，都有情人節套餐…好彩都仲有一d正常野食。最後食甜品，叫左個柚子糕，超好味(我最鍾意citris fruits)，但佢係心形，即係，如果無咁切法，可能會大舊好多囉….
| 1 | 2