電子神童@moBlog

話說，兩個月前係台灣博客來買女人我最大本雜誌時，碰見推介一本叫<<古典音樂簡單到不行>>既日譯中書。果時仲要係6折幾天仲要送袋，於是我就貪得意買埋。當時仲未識有交響情人夢套日劇，所以貨送到來，都係多一個環保袋，學琴用(因為有琴既print)。

點知有人見我歌袋就話正，係套好hit日劇個女主角用既袋。當時都仲未知tvb會播，咁我就懶係好前衛咁囉住個袋去學琴。最近tvb播套劇，發現原來我個袋唔係學足劇入面個袋，個琴鍵係印係另一邊架…哈哈

早幾個星期去拍星屑，佢同嘉琳一見個袋就認得。我覺得我好鬼in wor，好似全香港得我有個袋咁。點知尋日見星屑係個blog寫話買左套劇既CD，仲有袋送，個袋仲要係印岩架。於是我尋日走去cd warehouse搵，無果個版本。但今日就係HMV見，即買。哈哈。不過家陣再囉個袋出街，就好似Plastic Bag咁，可能周街都有人用，型仔不再。

話時話，如果你對classical有興趣又怕悶，可以買我頭先講果本書。係日本指揮吉松隆寫同畫illustrations，都幾搞紹架。我仲有一本，出自同一作者，叫<<古典音樂就是這樣子>>，多字好多，建議睇左第一本先。話時話呢套書係日本同台灣大賣，都係因為Nodame效應(唔係莫札特效應啊!!)

左邊果個先係正確版

今日睇完最新剪輯好的<<星屑醫生破禁18條>>發現星屑同嘉琳係某d時刻好”謎”…唔知會唔會係因為嘉琳同Yee Hing Wong拍檔過既關係呢？

最後6條明日推出。家陣睇片仲有<<18禁不禁>>產品送呀。快d去now.com.hk支持下!

話說now.com.hk播緊台灣好hit既劇集18禁不禁，呢套劇有少少香蕉成熟時feel，講下年輕人對性方面既疑惑。本人就為呢套劇既”攻劇策略”式短片做監製。短片目的係要解說一下劇入面，好多人都唔好意思問，唔好意思講既有關性既話題。

講呢d，又要切合套劇本身既對像同style，當然要找最潮果個星屑醫生講啦。我仲搵埋佢個podcast好拍檔嘉琳做主持添。

今日進行左第一天拍攝，我就自己拍左d花絮making of，好簡單咁用自己僅有既equipment做左條非常youtube既youtube片。當然啦要睇真貨，就要去now.com.hk喇。8月10日起就會上架喇。

哈哈有人send比我的…其實我之前係用呢首歌做我的電話鈴聲，個電話個名都係叫電子神童呢

哈哈，勁好睇啦，呀Adam鄭wor…

其實，呢套野，我應該會無咩興趣，因為果d謎，係我小學開始我就睇好多，已經知道晒，加上近年都睇好多Discovery Channel同Nat Geo…(無線d片都係果d來) …

不過，我又覺得勁好睇wor，因為

1. 主持們好出力”走位”同擺pose

2. 個謎女郎謎一般的無啦啦走出來fing兩fing扭兩扭

3. 秋官都Yo啊，西裝友做hip hop手勢型爆啦

5. 阿正字王貽興，發音超準，pose超型，但雙眼無戲無代入角色好難做出來…

6. 雲海用左好多年d橋，番炒咁多次，佢地都敢再講…

7. 沙龍鏡，唔係美女廚房，以男人為主的節目都用，非常破格

8. 呢個咁既題材既節目，竟可以做到咁好笑  

我敢肯定一定好多人會上網講…. 不過如果想睇正經版，我推薦Discovery Channel 同National Geographic..唔得，實在係太好笑

今日有Gala Premiere，所以又去，今次就鬆動好多啦，正常應做既安排

套戲，其實好大白鯊啦，陸地版。失驚無神走隻獅子出來嚇下人，仲有極亦都係極唔合情理地死跟住d人，整爛架車呀咁。同明珠台久不久都會重播，我估都有二三十年歷史既大白鯊都係同一條橋…其實睇開頭真係好緊張，但係越睇就越唔對路，個ending仲會無啦啦整個大合照feel既shot，仲有一個未真係end的ending…可以經典到出第二集嗎諗住？我覺得有d”炆”水…不過真係好Retro囉，哈哈

不過今晚見到好多唔識咩名的無線藝員。我只知其中一個係一蚊男，仲有d港男，港姐，四葉草等等…呀，有劉以達，呢個我識

原John入口(無錯，根據主持人，個節目係原John入口)呢個show，你不時會聽到：

1.嘩，lee個torn，真係好凸別
2. All想問下，江杯，x文點趕呀？
3. 筆方人，又鐘意點整lee個信呢？
4. 炸到金won(韓國貨幣)色
etc etc…

d外藉人士講既廣東話(<---如果要主持人讀呢句，會變成"d愛藉人時趕既港東話)...我先聽得明囉....唔怪得主持人將相同詞彙係每一集內不斷重覆，再在各集不停循環再用，目的就係想你明佢up乜？

下次可能係外藉人士問，原裝入口既廣東話點講呀？主持人答：原John入口!

咁做咩仲做最緊要正字呢？