電子神童@moBlog

CASH Annual Dinner 係我一年一度必去既。其實一直以來，因為好多工作同嗜好，所以應酬都係免得過就免。但係CASH係必去，因為越來越多好野睇。還記得當年係會場toilet門口個走廊講電話，見到張國榮，佢仲同我打招呼(雖然其實唔識我，不過可能佢覺得，去得CASH都係行家啦)，第二年CASH佢已不在人世。

因為CASH既關係，其實成個樂壇都會好俾面。好多歌星名人都會出席，尋晚都唔例外。今年金帆音樂獎由譚校獎奪得，咁，當然有係星光熠熠。溫拿，曾智偉，阿叻就必到啦。仲有李克勤，阿Lam，陳慧嫻，關淑儀等唱Alan的舊歌。呢個年頭，就連TVB都無乜可能有個節目係同台咁多巨星…

 不過最高興，就係今年幾野食係咁多年最好既

頭盤係三文魚波波，仲有個湯不過無影

主菜係teriyaki魚/雞卷。我梗係要魚啦

甜品係開心果雪糕+brownie。朱古力我唔岩，所以只係食左雪糕

講返校長果part，佢地當係concert咁做，所以派左好多螢光棒。又，因為同台的前經理人公司朋友們都係比較成熟穩重，所以無咩人特別囉來玩，所以我就得到一大bunch!

而全場最好睇幾一段，就係阿Lam唱愛情陷阱+暴風女神。係唱慢版啊，仲要係頹廢style，非常特別但又好有feel。想聽。哈，我有錄哈哈。仲有其他，不過呢，你地去我個youtube channel度慢慢睇啦!

就係呢張。佢真係好有禮貌。

其實果日好晒…你睇佢對眼…

未開工前試機….

臨時拉夫做大飲茶…

從來對Britney Spears無咩特別偏好，一向對pop idol無咩特別感覺。學生時代好多人都會鍾意某些歌星，但自己又唔係”鍾意某些歌星”果隻，只會聽歌。好聽就聽。

某日去某超市，見到本外國八卦雜誌封面話Britney湊仔用汽水當水咁比佢地飲，仲有亂糟糟的感情生活，癲癲地，又有吸毒等。

好多super star，最終都會落於癲狂，或者墮落的地步。可能太後生就呼風喚雨，一有些少挫節就受不了。又或者係生活壓力大，個人情緒就失控。當然做藝人，好多都有藝術家脾氣，EQ可能本來都唔係咁好….香港的，我諗起藍潔英蔡楓樺。亦一度覺得張柏芝都有呢個potential…(佢暫時安全，因為已得到佢想要的霆鋒同BB)

有呢d問題，傳媒當然happy，有野寫wor…但對當事人來講，就會做成更大傷害，於是就越來越癲。我地未必了解佢地所承受既壓力，但無論如何，我覺得要對自己行為負責外，亦要對身邊既人負責，但又唔應該太執著於某d野，睇開d就唔會癲喇。

今日有同事突然話”死喇死喇”。原來有某件事本來預左會有，但中間係其他parties方面出左問題，我地可能得唔到本來expect有既野。佢話佢好擔心。我話，擔心無用，有問題係要去解決唔係去擔心。 後來發現原來事情有轉機，所以佢就放心晒。有人可能覺得，唉，點解你咁淡定呀？我個樣淡定唔等如我無緊張過，只係樣樣show出來，會影響其他人情緒啊。對於我來講，緊張就做唔到野。個個騰晒雞咁，見到就煩啦。一陣間做到癲左就慘…

聽下，我覺得Britney唯一好聽既歌：

呢個係我唔係Britney

呢個face recognition web site，只要你upload相上去，就會幫你計下你似邊個明星。我upload十張十張都話似深田恭子，第二多似係鄭秀文，其他就乜都有，有阿Sa有AV女優。究竟佢點計？係唔係亞洲人個database就係得咁多？

話時話，以前在某周刊見過深田恭子幾歲張相，同我影呢張相果期好似，不過我上網都找唔到果張好似既相…

一向無打算睇阿旺，但某日係屋企做做下野聽到戲中有個醜女(當時仲未知邊個扮)唱黎明不要來，好好聽啊，好聽過好多歌星，於是就開始追呢套劇。

其實我估有好多TVB藝員，唱歌都好得，可能未被發掘，但係家陣d劇既主題曲，好多本身都係老土製作又差，再加埋d不堪入耳的vocal，認真係嚇人….有好聲唔用，搵唔識唱歌的去唱，真係令人不安…應該搵湯盈盈唱首插曲。不過無線咁咩….真係話唔定見佢有noise有so就整隻歌佢唱下，呢個世界就係咁跟紅頂白。

對上一次有少少驚喜，就係廖碧兒，不過，當然係無湯盈盈咁好。Cast佢的人真係抵讚!