電子神童@moBlog

CASH Annual Dinner 係我一年一度必去既。其實一直以來，因為好多工作同嗜好，所以應酬都係免得過就免。但係CASH係必去，因為越來越多好野睇。還記得當年係會場toilet門口個走廊講電話，見到張國榮，佢仲同我打招呼(雖然其實唔識我，不過可能佢覺得，去得CASH都係行家啦)，第二年CASH佢已不在人世。

因為CASH既關係，其實成個樂壇都會好俾面。好多歌星名人都會出席，尋晚都唔例外。今年金帆音樂獎由譚校獎奪得，咁，當然有係星光熠熠。溫拿，曾智偉，阿叻就必到啦。仲有李克勤，阿Lam，陳慧嫻，關淑儀等唱Alan的舊歌。呢個年頭，就連TVB都無乜可能有個節目係同台咁多巨星…

 不過最高興，就係今年幾野食係咁多年最好既

頭盤係三文魚波波，仲有個湯不過無影

主菜係teriyaki魚/雞卷。我梗係要魚啦

甜品係開心果雪糕+brownie。朱古力我唔岩，所以只係食左雪糕

講返校長果part，佢地當係concert咁做，所以派左好多螢光棒。又，因為同台的前經理人公司朋友們都係比較成熟穩重，所以無咩人特別囉來玩，所以我就得到一大bunch!

而全場最好睇幾一段，就係阿Lam唱愛情陷阱+暴風女神。係唱慢版啊，仲要係頹廢style，非常特別但又好有feel。想聽。哈，我有錄哈哈。仲有其他，不過呢，你地去我個youtube channel度慢慢睇啦!

就係呢張。佢真係好有禮貌。

其實果日好晒…你睇佢對眼…

未開工前試機….

臨時拉夫做大飲茶…

話說，兩個月前係台灣博客來買女人我最大本雜誌時，碰見推介一本叫<<古典音樂簡單到不行>>既日譯中書。果時仲要係6折幾天仲要送袋，於是我就貪得意買埋。當時仲未識有交響情人夢套日劇，所以貨送到來，都係多一個環保袋，學琴用(因為有琴既print)。

點知有人見我歌袋就話正，係套好hit日劇個女主角用既袋。當時都仲未知tvb會播，咁我就懶係好前衛咁囉住個袋去學琴。最近tvb播套劇，發現原來我個袋唔係學足劇入面個袋，個琴鍵係印係另一邊架…哈哈

早幾個星期去拍星屑，佢同嘉琳一見個袋就認得。我覺得我好鬼in wor，好似全香港得我有個袋咁。點知尋日見星屑係個blog寫話買左套劇既CD，仲有袋送，個袋仲要係印岩架。於是我尋日走去cd warehouse搵，無果個版本。但今日就係HMV見，即買。哈哈。不過家陣再囉個袋出街，就好似Plastic Bag咁，可能周街都有人用，型仔不再。

話時話，如果你對classical有興趣又怕悶，可以買我頭先講果本書。係日本指揮吉松隆寫同畫illustrations，都幾搞紹架。我仲有一本，出自同一作者，叫<<古典音樂就是這樣子>>，多字好多，建議睇左第一本先。話時話呢套書係日本同台灣大賣，都係因為Nodame效應(唔係莫札特效應啊!!)

左邊果個先係正確版

今日睇完最新剪輯好的<<星屑醫生破禁18條>>發現星屑同嘉琳係某d時刻好”謎”…唔知會唔會係因為嘉琳同Yee Hing Wong拍檔過既關係呢？

最後6條明日推出。家陣睇片仲有<<18禁不禁>>產品送呀。快d去now.com.hk支持下!

從來對Britney Spears無咩特別偏好，一向對pop idol無咩特別感覺。學生時代好多人都會鍾意某些歌星，但自己又唔係”鍾意某些歌星”果隻，只會聽歌。好聽就聽。

某日去某超市，見到本外國八卦雜誌封面話Britney湊仔用汽水當水咁比佢地飲，仲有亂糟糟的感情生活，癲癲地，又有吸毒等。

好多super star，最終都會落於癲狂，或者墮落的地步。可能太後生就呼風喚雨，一有些少挫節就受不了。又或者係生活壓力大，個人情緒就失控。當然做藝人，好多都有藝術家脾氣，EQ可能本來都唔係咁好….香港的，我諗起藍潔英蔡楓樺。亦一度覺得張柏芝都有呢個potential…(佢暫時安全，因為已得到佢想要的霆鋒同BB)

有呢d問題，傳媒當然happy，有野寫wor…但對當事人來講，就會做成更大傷害，於是就越來越癲。我地未必了解佢地所承受既壓力，但無論如何，我覺得要對自己行為負責外，亦要對身邊既人負責，但又唔應該太執著於某d野，睇開d就唔會癲喇。

今日有同事突然話”死喇死喇”。原來有某件事本來預左會有，但中間係其他parties方面出左問題，我地可能得唔到本來expect有既野。佢話佢好擔心。我話，擔心無用，有問題係要去解決唔係去擔心。 後來發現原來事情有轉機，所以佢就放心晒。有人可能覺得，唉，點解你咁淡定呀？我個樣淡定唔等如我無緊張過，只係樣樣show出來，會影響其他人情緒啊。對於我來講，緊張就做唔到野。個個騰晒雞咁，見到就煩啦。一陣間做到癲左就慘…

聽下，我覺得Britney唯一好聽既歌：

呢個係我唔係Britney

話說now.com.hk播緊台灣好hit既劇集18禁不禁，呢套劇有少少香蕉成熟時feel，講下年輕人對性方面既疑惑。本人就為呢套劇既”攻劇策略”式短片做監製。短片目的係要解說一下劇入面，好多人都唔好意思問，唔好意思講既有關性既話題。

講呢d，又要切合套劇本身既對像同style，當然要找最潮果個星屑醫生講啦。我仲搵埋佢個podcast好拍檔嘉琳做主持添。

今日進行左第一天拍攝，我就自己拍左d花絮making of，好簡單咁用自己僅有既equipment做左條非常youtube既youtube片。當然啦要睇真貨，就要去now.com.hk喇。8月10日起就會上架喇。

原文 — moShow — 2007-08-03 01:29:41

Capital weekly 本Capital Money都有講moShow生日會，你仲唔快d報名？8月11號就係喇

同大市有咩關係呢？可能係來參加有options分呀…

出左喇有買趁手下期無左猛人可能無咁好睇