電子神童@moBlog

V-day : Vivien's Day hehehhe 情人節快樂呀!!!

祝大家新年快樂，萬事勝意!

原文 — 女人Guide — 2008-01-15 03:16:19

由於mocasting不再支援podcast，女人Guide就移師cmm繼續營運。新人事新作風，今後我就唔駛煩editing，所以唔會再脫期lu…多謝Paul騰出地方迎接新貨抵港!

在此好多謝Kli一直以來的支持和信任，開mocasting時找我去做press con連隨launch埋moshow，令人人都以為我就係mocasting…記者只識找我唔識找Kli，幾經辛苦先令佢地明白我唔係 mocasting工作人員…當然cater得電車男，都要有d野target愛瑪仕，所以女人guide又誕生了，反應更出其地好，有 sponsor送野，又有sponsor我首飾的。不過因為忙，之前都無乜再update，雖然係咁，d comments仲係陸續有來。多謝各位支持。

作為Kli朋友，佢決定唔invest podcast我係支持的，呢個係business decision，當然係以回報為先。但作為podcaster當然係有d唔捨得啦。

不過，無論點都好，加入cmm，就一定唔會好似以前咁成日唔update，因為以後只需要搵日lunch time帶個腦同帶個口去Paul個studio度就得，唔使做editing同upload，最岩我家陣呢個插針都插唔入既schedule….

第一集係講Bra….唔係只係得黎顧問同石修先識講架。其實呢d野所有女性朋友都一定要知。如果你唔知，就快d去 lady.cmm.hk聽下啦!!請各位fans繼續支持!記得個rss feed 都轉左，用itunes的話要再 subscribe過

我掂過，Kiss過歐洲國家盃，佢地都無呀hahahha

真野黎架，無花無假

CASH Annual Dinner 係我一年一度必去既。其實一直以來，因為好多工作同嗜好，所以應酬都係免得過就免。但係CASH係必去，因為越來越多好野睇。還記得當年係會場toilet門口個走廊講電話，見到張國榮，佢仲同我打招呼(雖然其實唔識我，不過可能佢覺得，去得CASH都係行家啦)，第二年CASH佢已不在人世。

因為CASH既關係，其實成個樂壇都會好俾面。好多歌星名人都會出席，尋晚都唔例外。今年金帆音樂獎由譚校獎奪得，咁，當然有係星光熠熠。溫拿，曾智偉，阿叻就必到啦。仲有李克勤，阿Lam，陳慧嫻，關淑儀等唱Alan的舊歌。呢個年頭，就連TVB都無乜可能有個節目係同台咁多巨星…

 不過最高興，就係今年幾野食係咁多年最好既

頭盤係三文魚波波，仲有個湯不過無影

主菜係teriyaki魚/雞卷。我梗係要魚啦

甜品係開心果雪糕+brownie。朱古力我唔岩，所以只係食左雪糕

講返校長果part，佢地當係concert咁做，所以派左好多螢光棒。又，因為同台的前經理人公司朋友們都係比較成熟穩重，所以無咩人特別囉來玩，所以我就得到一大bunch!

而全場最好睇幾一段，就係阿Lam唱愛情陷阱+暴風女神。係唱慢版啊，仲要係頹廢style，非常特別但又好有feel。想聽。哈，我有錄哈哈。仲有其他，不過呢，你地去我個youtube channel度慢慢睇啦!

上星期，朋友JM問我星期一得唔得閒呀？原來佢簽左胡蓓蔚，搞左個新碟Launch party+生日party。Oh，好耐無update JM近況，原來果日係勁歌聽到胡蓓蔚新歌Don't think just do (係一聽就記得點唱，好catchy的)，係佢公司出既。

胡蓓蔚係唱得之人，係人都知。之前出道時口碑都好好。但唔知係唔係當時興王菲，而佢當時唱片公司想佢走同樣style?我覺得就此徙左。而事實上，胡蓓蔚可走更前衛，或者應該叫係更R&B同美式style。好耐無出碟，只係猛做音樂節目主持，但唔知點解，永遠無人唔記得佢係唱得好既歌手。相比好多歌手出身，轉做主持或演戲既藝人，胡蓓蔚既歌藝係深入民心。

今晚party好多人，側田，張敬軒，鄧健泓，就連陳法拉都出埋…做音樂節目主持，真係唔同d，仲要係無線音樂節目wor。咁當然，胡蓓蔚亦係值得人支持既歌手。我真心希望，係JM旗下，真係可以做到佢應做亦想做的音落。始終，有能力做出自己風格既歌手絕無僅有，但胡蓓蔚一定可以做到，當然我對JM有信心。當年如果佢公司有發掘呢點，可能佢成就不止於此。我不斷咁講，係因為唔明，當年明明係人都覺得佢唱得好，但偏偏好似係都要佢做第二個王菲咁…copy cat除左一個黎瑞恩係成功(但其實之後都有返少少自己風格)，其他全部都唔係好得…你up得出Twins, 容祖兒，cookies，eason….好多”product”都好想學，但有邊個得？

 
其實我今日無帶相機，明知fringe club勁黑都影唔到。同行christie影左好多都係唔多清，哈，但都照放上來

仲有，最近翻新，同JM合作的歌。呢個係求其demo一個，但將會推出(但非歌星用)

Let It Go 

曲/編：Jean Michel 詞：Vivien

仲有舊歌重溫

一晚情人 

曲：Jackie 詞：Vivien 編：Jean Michel